لكل يوم زوّادة: منشكرك يا رب

انسألو مجموعة اشخاص عن اكتر مرّة فرحو فيها بِهالفترة. و كانت هيك الجوابات:
فرِحت من قلبي لمّا تخرّجت،فرِحت كتير لمّا صار عندي خَي،فرِحت كتير لمّا سكّرت آخر كمبيالة و ما بقا عليّي ديون، فرِحت كتير لمّا سافرت اوّل مرّة ،فرحت من قلبي بس صار عندي اصحاب يفهموني، فرِحت كتير اوّل مرّة قدرت اضهر من اوضتي بعد 14 يوم حجر لمّا صحّيت من كورونا و فرِحت الفرحة الأكبر انّني ما عديت حدا خصوصا اهلي اللي كنت خيفان عليهن! فرِحت لمّا لقيت مكنة اوكسيجين لبيّي!
منشكرك يا رب عا كل لحظة فرح بحياتنا شو ما كان سببها... و نحنا اكيدين انّو ايدك كانت موجودة و هيّي اللي صنعتلنا هاللحظة...الفرح اللي من صنع البشر ما بيدوم...غْمرنا يا ربّ و خلّي فرحك السماوي يجي ينوّر حياتنا خصوصا بهالوقت كلنا كتير بحاجة الو...