منتدى الفرح المسيحى - من تعاليم امنا تماف ايريني

https://upload.chjoy.com/uploads/161090278919771.jpg

س: ازاي الواحد ما يخافش من حروب الشياطين ؟
شوفوا بصراحة عايزة اقول لكم حاجتين من عندي , الشيطان يحارب اثنين :
1) اللي بيجاهد قوي الشيطان بيتغاظ منة
2)واللي يلاقي فية نقطة ضعف بتبقي سهلة علية ( الشيطان )
يعني انا عندي ميول لحاجة معينة او ضعف فيا , يجي الشيطان منها ويدخل ويلاقي الدنيا سهلة , مفيش دفاع علشان انا عندي ميول ولكن الثانية اللي بيجاهد قوي , الشيطان يلاقي فية صعوبة لية ؟
علشان الواحد بيقاومة يعني بيقف ضدة فما يلقاش منفذ للدخول لية ؟
علشان بيقاومة وبيقول لة : بقوة ربنا ما تقدرش تغلبني او تضحك عليا " صحيح الشيطان قوي , لكن ربنا اقوي .
طول مااحنا في الجسد وفي الحياة , ندخل حرب ونطلع من حرب وهكذا .. وكل واحد لة الحروب اللي الشيطان يقعد يتفنن فيها :ولكن اية اللي يقوينا علي الحرب دي ؟ اللي يقوينا 1) الصلاة 2) الاتكال علي ربنا 3) طلب المعونة ربنا وارشادة

لاننا كلنا ضعاف , حتي القديسين ممكن يشعروا بالضعف علشان ربنا يتدخل وينتهر الشياطين , فمش بشطارتنا ولكن باتكالنا علي ربنا وقوة ربنا .. فالصلاة هي سلاحنا ونقدر بها نتصر علي عدو الخير ..
فاذا كان الشيطان بيحارب القدسين , فما بال احنا الغلابة الضعاف المساكين ؟ وعلشان كدة نكون دايما صاحين ونكون دايما مستيقظين لكل فكرة يرميها فينا ولكل حركة ولكل شي ,ونقول لة " يارب احنا ضعاف ومساكين وانت اللي تحوش عننا وقال : تعالوا الي يا جميع المتعبين والثقلي الاحمال وانا اريحكم "( متي 11-28 )