منتدى الفرح المسيحى - هيرد عليك بس اديله وقت يكلمك

https://upload.chjoy.com/uploads/161057315383641.jpg

واحدة اتخنقت مع الشغالة😳
بتاعتها لانها بتتنطت عليها علشان بقت حامل
وستها مش بتخلف 😜
وبعدين تهرب من ستها دى لانها ابتدت تذلها ،
يجي ربنا يظهر للشغالة دى ويقول لها ارجعي انا سمعتك وحاسس بوجعك😔
انتي حامل في ولد وهاتسميه اسماعيل
لاني سمعت صراخك 😩
وتيجي هي وتقوله وانا هاسميك ايل رئى 👀
الاله اللي ينفع يتشاف ،
يعني شوفت اللي شايفني وكاشفني
وعارف كل حاجة عني☝️
ساعات بنحس ان ربنا بعيد عن مشاكلنا
، يعني دى شوية نفسنة بين اتنين ستات ممكن تشوفها كده 😀
لكن الله العظيم شايف الوجع والضيق وسامع الصراخ بس
ادخل حكي معاه هيقولك تعمل ايه في كل موقف 👌
متبعدش ربنا عن تفاصيل حياتك وتقول ربنا
مالوش دعوة بالموضوع دا🤔
لا ربنا هو كبيرك اسأله في كل كبيرة وصغيرة
هيرد عليك بس اديله وقت يكلمك 🙏🙏