منتدى الفرح المسيحى - ايام كورونا افضل مدرس في التاريخ

https://upload.chjoy.com/uploads/160986698325021.jpg

ايام كورونا افضل مدرس في التاريخ

- ح تتعلم أن مفيش سند حقيقي ليك في الدنيا غير ربنا و ربنا وحده ،
و ح تقدر قيمة الجلسة معاه ..

-ح تفهم ان الله مش بس بيحميك، لا ده ممكن يسمح بالمرض و يشفيك،
أو يسيب المرض و يتمجد بيه و يهديك ..

- ح تتعلم تعيش لوحدك و تاخد الثقة و السند من نفسك ..

-ح تتعلم أن مفيش اقربلك من اهلك ، و أن مالكش غيرهم ..

-ح تكتشف ان مفيش حد ح يسأل عنك غير اقرب صديق ، ده لو لقيته !!

- ح تستحمل اي ضغط نفسي ، و اي خوف أو قلق ح يبقي تافه بعد كده..

- اكتر حاجه متمسك بيها ومستنيها معناها ح يقل ..

-ح تتعب من كتر التفكير في الغد، وح تتعلم الصبر و انك تسيبها علي الله و ترضي و تشكر ..

-ح تكتشف تفاهة الفلوس و معناها الحقيقي ..

- ح تندم علي ناس عرفتهم ، ومش ح يفرق معاك خروجهم من حياتك ..

-ح تبعد عن حاجات وحشة (ياريت) : الكسل النهم، تضييع الوقت ، الخصام و الغضب
، و ح تتعلم قيمة الأخلاق الجميلة و الجدعنة و الشهامة و الود و النبل .