منتدى الفرح المسيحى - يسوع بيستخدم الضيق لفرحة كبيرة أكيد

https://upload.chjoy.com/uploads/160977645297021.jpg

يوسف ⁦❤️⁩⁦❤️⁩

لو كان يوسف فى حضن أبوه كان كبر يوسف راعى عادى بين أخواته و مكروه وسطيهم كبر بعداوتهم بغيرتهم منه و عدم محبتهم ليه .
كان هيبقى إنسان عادى زيه زى أى إنسان أو زى أى حد عادى من أخواته .
و لما تقوم المجاعة كان هيموت وسط أخواته هتموت عيلته و كل البلاد .
ربنا سمح يوسف يترمى فى البير و يتغرب و يتباع و يعيش عبد أسير لخطة كبيرة تغير حياته و عيلته كمان و مسار بلاده .
أمانة يوسف و مخافته لله فى كل ظروفه ربنا عوضه عنها .
يوسف كان أمين فى القليل أقامه يسوع على أكثر من الكثير .
يوسف كان بيحلم السنابل بتسجد ليه يسوع حقق حلمه
و عيلته و العالم كله سجد فعلأ ليه .
يوسف أتحولت حياته من طفل مدلل و من مصيره لراعى عادى مثل أخواته ليوسف فرعون ... لأكبر رجل فى المملكة .
.. لأهم شخصية فى البلاد .
يوسف مفضلش فى حضن أبوه لكن ذهب لحضن الآب .

و كل واحد فينا بيمر بضيق و ظروف صعبة كون أمين فى القليل
و عيش فى مخافة الله ربنا هيعوضك
و يفرح قلبك ديه كمان خطة ربنا ليك لتغير حياتك و هيفرحك .
يسوع بيستخدم الضيق لفرحة كبيرة أكيد .
يسوع بيحبك و هيفرح قلبك 😍😍

"وَكَانَ الرَّبُّ مَعَ يُوسُفَ فَكَانَ رَجُلًا نَاجِحًا" ( تك 39: 2 )🥰
"وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ". (يؤ ٢ : ٢٥)🥰