منتدى الفرح المسيحى - عواطف سيليكون

https://upload.chjoy.com/uploads/160977393172751.jpg

سمعت عن لاعب كمال الاجسام و الممثل الكازاخستاني الشهير "يوري تولوتشكو" اللي عمل فرحه علي "دمية او عروسة سيليكون" "مارغو" بعد قصة خطوبة ١٨ شهر ؟؟ (علي فكرة بيقولوا انهم سابوا بعض مؤخرا" !! )

كنا بنسمع عن "لعبة سيليكون" ، و بعدها طلعت العروسة السيليكون بالحجم الطبيعي .. لكن آخر "البدع" هي ان العروسة تبقي سيليكون و تتم في حفل زفاف و يحضره معازيم (معازيم العريس طبعا) ..

بقت العروسة و العواطف و الفرح كله سيليكون !!

ممكن تقول العريس "اتجنن"..

لكن بالراحة كده ، حتلاقي ناس كتير بتعمل كده و اكتر كل يوم ..
بقت العواطف تتزيف، و المشاعر تتقلد، و ناس بتخدع ناس
و ناس موافقة تتخدع منهم بمزاجهم !!

و بقي الحب من غير روح، عامل زي الفاكهة البلاستيك اللي بيتقدم لك و انت عارف انك مخدوع و مضحوك عليك ، و تندفع و تاكله لأنك مش لاقي الحب الصافي الحقيقي المشبع..

و اهو بدل ما تقعد من غير حب ، تقبل اي حاجة "شبهه" و السلام
.. و اهو تشبع بالكذب رغباتك العاطفية ، و تزيف دنيتك
، و بعدين تبهدل نفسيتك..

و علي وزن الطريقة دي ، ناس كتيرة عايشة "علاقات" و خطوبات و جوازات و حتي صداقات "سيليكون" ، "وهم" و "خداع" ..

اوعي حد يكون ضحك عليك في علاقة ميتة، او تكون مضحوك عليك بمزاجك !!