منتدى الفرح المسيحى - المواهب يعني عطايا

https://upload.chjoy.com/uploads/160907614992391.jpg

للأسف علمونا إن المواهب هي إنك صوتك حلو بتعرف تغني أو بتعرف تمثل أو بترسم
محدش فهمنا إن المواهب معظمها معنويه مش ماديه
محدش علمنا إن ضحكتك الحلوه دي موهبه
إن روحك الحلوه وبشاشتك في وش الناس موهبه
إن طريقة كلامك اللطيفه مع الناس موهبه
إن الناس تحبك وتلاقي قبول دي موهبه من ربنا ليك
إن طيبتك وقلبك الواسع ده موهبه
انك تحس باللي حواليك وتفهم نفسية اللي حواليك موهبه
انك تبقي قادر تمد ايدك و تساعد كل اللي حواليك موهبه
انك تخدم بحب موهبه
المواهب يعني عطايا
متخيل ربنا مديك قد ايه وانت باصص للي صوته حلو ؟
للأسف .. علمونا ان الإجابه علي السؤال بتاع ايه مواهبك لازم يبقي حاجه ماديه ..
مع إن الاجابه هي إن ربنا مغرقنا مواهب وعطايا❤