منتدى الفرح المسيحى - ذكريات الموجوع و حوار الدموع

https://upload.chjoy.com/uploads/16089129613891.jpg

اوعي تلوم موجوع ، أكبر وجعه ذكرياته ، و الذكري و الذاكرة عدو لدود ينهش العقل و هو يستدعي الماضي ..

و الجروح بتتحفر في خلايا الذهن و لا تفارقه.. تنام شوية ممكن ، لكن تطلع بالليل
و انت نايم أو و انت بتشوف حاجة مشابهة في الحياة أو في فيلم، أو حتي و انت قاعد هادي و مبسوط..

و مع الجروح تلاقي كام دمعة نازلين يتمشوا علي خدك رايحين
في هدوء لصدرك يستخبوا في قلبك و يتحوشوا هناك مع اصحابهم في خانة الذكريات..

و دموعي المستخبية تقولي : ح افتكر ايه و لا ايه ؟؟ اللي ظلم
و اتجبر علي و قهرني و استغل قوته و سلطته و انا مش قادر ارد و لا حتي اتكلم..

اللي سخر مني في ضعفي، و لا اللى قدام الناس و عيب
و اتريق أو فكرني بضعف في ، و لا اللي اذاني و خد حقي او حق ولادي و بيتي و عيلتي ..

و اللي صاحبني و استغلني و شاف في بس مصلحته و سرق اماني و ثقتي في الدنيا و ما فيها ..

جريت تاني علي دموعي لقيتها مستنياني و بتقول لي : ما تسيبهاش في قلبك
، علي "زق الصلاة" و سيبها "اجعل أنت دموعي في زقك. أما هي في سفرك؟. (المزامير ٥٦: ٨) ..

و في صلاتك ح تلاقيها لآليء منورة ، و تسمع جنبها صوت الله :
كل وجع متغمس في دموعك غالي علي ،
ح اشفيك و اعافيك و املا اوانيك و احقق امانيك، و اعوضك و اشبعك و افرحك