منتدى الفرح المسيحى - يا طيور السلام غردي فوق الشام

https://upload.chjoy.com/uploads/160884332086591.jpg

يا طيور السلام غردي فوق الشام
و ارتاحي بحضن بلادي
اليوم ، يوم سرور
اليوم بيهِّل النور
اليوم مش عادي
اليوم ميلاد الفادي .

بشِّري كل المعمورة
و فرِّحي بلادي .
زوري الساحل و حد السهل
و فوق الجبل و كل رحابا.

اتوضي بدار السلام
و غازلي الحمام الراكع عا محرابا .

صلِّي بمعلولا
و بصافيتا قدمي القربان .
اغمري صيدنايا و الشاغورة و مزارا

وصلي سلامي
من قلب بعشقها هام
و ضويلي قنديل ببركة عمانوئيل
ليعم السلام عل لحبابا .

و جيبي معك ترانيم صلاة و سرور
و شمعة نور من إيد اصحابا .
و كمشة ذخر ياسمين
من عبق بخور
لتوصل بركة جوابااا.

آمين .. انشالة بعودة السلام و الآمان
ليغمر قلوبكم جميعاً
في ربوع وطني الغالي و سائر البلدان .