منتدى الفرح المسيحى - المستحيل و ثقب الإبرة

https://upload.chjoy.com/uploads/160879716392911.jpg

مشكلتك مستحيل تتحل؟؟ مرور جمل من ثقب ابرة اسهل من حلها ؟؟
ده اللي انت شايفه "بعينيك " و "دلوقتى" ..

لكن عند ربنا "المستحيل ممكن و طبيعي و عادي" ..

نجاة شعب الله من فرعون و جيوشه العاتية مستحيلة ؟
ربنا يشق قلب البحر و يعدي منه ٢ مليون إنسان بسلام
، مش بس كده ، لما الجيش يحاول يلحقهم يغرق كله في نفس البحر !!
كده الجمل عدي من ثقب الإبرة..

مستحيل ٢٠ ألف (٥٠٠٠ غير النساء و الأطفال في تقدير المفسرين)
يشبعوا من ه ارغفة و سمكتين ؟؟
ربنا يبارك الاكل فياكلوا و يشبعوا و يفيض منهم ١٢ قفة مليانة ..
كده برضه الجمل عدي من ثقب الإبرة!!

مستحيل داود الضعسف يهزم الجبار "جليلت" اللي طوله حوالي ٣ متر و نص و وزن درعه بس ٦٠ كجم ؟؟
حجرة ملساء واحدة من مقلاع في ايده الصغيرة تصطدم برأسه فيفقد الوعي و ينتصر عليه و يقتله ؟؟

ادي كمان جمل عدي من ثقب ابرة..

معقول شمشون يهزم اسد ضخم ؟؟ و معقول دانيال ينام مع الأسود المفترسة ليلة كاملة؟؟ و معقول التلات فتية يتمشوا وسط نار الاتون؟ و معقولة بطرس ينجو من الإعدام و يخرج مع الملاك من باب السجن المغلق ؟؟

كل ده لان الله أمر بانتهاء المشكلة المستحيلة ..

كل مستحيل عندك ح ينتهي بأمر الله القادر ، و لو كان جمل ضخم ح يعدي من ثقب الإبرة اللي بيعدي خيط رفيع بالعافية ..

اطمن ..