منتدى الفرح المسيحى - سجان ولا مسجون

https://upload.chjoy.com/uploads/160659592258321.jpg

للأسف في نوع من الأفكار كدا
لما بنفكر فيها كتير بنتسجن ونتحبس جواها
ومبنلقيلهاش مخَرج وتفضل تضغط علينا
أو تخلينا نتصرف تصرفات مكُناش عايزين نتصرفها
وتفضل معكننة علينا كدا حياتنا،
زي مثلا فكرة الخوف من المستقبل،
اللي ممكن تفضل جوانا وتتحكم في معظم تصرفاتنا
وتفقدنا حتى إستمتاعنا بالنعم اللي عندنا.
عارفين إيه الحل؟
إن إحنا اللي نسجنها ونربطها مكانها منخليهاش تسرح
وتتعمق جوانا وتكسب أي مناطق مش بتاعتها
والحقيقة.. المُهمة الصعبة دي بتحصل في ضوء
فحص أفكارنا ودوافعنا قدام ربنا في صلواتنا ليه..
كل ما كُنا واضحين وحقيقيين ومتواضعين
في فحص أفكارنا كُل ما قدرنا نكتشف الحق من الضلال
اللي بيتسرب لعقولنا طُول الوقت.