منتدى الفرح المسيحى - الزن الإيجابي

https://upload.chjoy.com/uploads/160624023070621.jpg

بطبيعة الحال.. إحنا بنتضايق من الزن
ومش بنحب نتعامل مع الشخص الزنان،
وبنقول عليه المَثل الشعبي ده:
"الزن على الودان أمر من السحر".
لكن في نوع من الزن مختلف خالص عن أي زن
ونقدر نقول عليه "زن إيجابي"..
وهو اللجاجة والتصميم في الصلاة
أو طلب شيئ معين من ربنا..
وده أكيد مش علشان ربنا عايزنا نتحايل عليه شوية
علشان يحققلنا طِلباتنا.. لا أبدا لكن لأن لجاجتنا في الصلاة
وإصرارنا على طلبة أو احتياج حقيقي..
بيغير فينا حاجات في الطريق.. وبيختبر دوافعنا
وطول نفسنا في أي حاجة عايزينها أو محتاجينها.
الأهم من كده إن الطلبة تكون حسب مشيئة ربنا،
ومش ضد كلامه.
طول ما انت بتصلي علشان حاجة
اختبر دوافعك وسبب إصرارك عليها
وساعتها من فضلك زن زَن إيجابي 😍