منتدى الفرح المسيحى - ماتتجاهلش أي صرخة حواليك

https://upload.chjoy.com/uploads/160576566634621.jpg

سبب من الأسباب اللي ممكن تخلي شخص يفكر في الإنتحار،
هو إنه يبقى بيعبر عن ألمه ومش مسموع
فا بيكون الانتحار سببه صرخة مش مسموعة
هو عاوزها تتسمع وماحدش شايف ولا سامع.

حاول كتير إنه يعبر وإنه يصرخ ويقول أنا بتألم
أو أنا بعاني لكن محدش جنبه ولا سامعه.

عشان كده ماتتجاهلش أي صرخة حواليك من أي شخص،
ماتتجاهلش تعبير عن ألم ولا كلمة واحد قالهالك عن نفسه
ولا فكرة قالك إنه بيفكر فيها وإنه عاوز يتخلص من حياته،

هو عايز يسمعك وانت بتقوله إنك جنبه
عاوز يشوف أفعال بتقول إن لسة في حد بيحبه
حتى لو واحد بس، واحد بيحبه محبة حقيقية.
اسمع صرخة اللي حواليك واشعر بمعاناتهم
الله داعينا اننا نحب بعض واننا نحمل أثقال بعض ونسند بعض.
"هكَذَا نَحْنُ الْكَثِيرِينَ: جَسَدٌ وَاحِدٌ فِي الْمَسِيحِ، وَأَعْضَاءٌ بَعْضًا لِبَعْضٍ، كُلُّ وَاحِدٍ لِلآخَرِ." (رو 12: 5)

#خليك_جنبه
#الانتحار