منتدى الفرح المسيحى - اللسان بيت الداء

https://upload.chjoy.com/uploads/160511024882381.jpg

فيه واحد ما بيعرفش يتكلم، ده معروف ..

لكن المشكلة الاكبر انه ما بيعرفش يسكت ، و لما يتكلم يعك الدنيا في بعضها ..

في الطب فيه مقولة شهيرة "المعدة بيت الداء
" ، و بالمثل في الطب النفسي "اللسان بيت الداء" ..

فيه كلمة أو كلمات تخلق خناقات و خلافات و صراعات
.. و فيه كلمات تزود المشكلة و تضاعفها و تولعها..

و افتكر كام مرة لسانك ورطك في مشاكل مع اقرب الناس
: يا اخي اسكت احسن لك ، و لو نفسك تقول كلمتين محشورين
في زورك ، ابقي فكر الاول مع نفسك أو مع صاحبك أو مع ربك !!

الحكيم هو اللي لو عارف يتكلم ،
و لو مش عارف يسكت احسن له و احسن لغيره و للدنيا كلها..

من نعمة الله انه خلق العقل فوق الودان و فوق اللسان!!

يعني تفكر الأول كويس و بعدين تسمع كويس
و بعدين تتكلم في الاخر لو احتجت علشان كلامك يبقي له معني ..

لكن فيه ناس واقفة علي راسها !! تتكلم
و بعدين تفكر في اللي قالته و تندم لما يفوت وقت الندم ..

و الكلمة زي الطلقة أو السهم لما بيطلع ما بيرجعش..

لو افتكرنا ان "اللسان بيت الداء" ،
الحياة و العلاقات ح تبقي اجمل ، و اجمل بكتير ..