منتدى الفرح المسيحى - تدريب الامتنان

https://upload.chjoy.com/uploads/160501876000451.jpg

من الحاجات اللي تخليك سعيد
هي إنك تتدرب على الامتنان
أو بلغة أخرى.. تدريب السعادة 😊
وعلشان تقتني السعادة.. حاول تعمل الخطوات دي..
١) اقضِ ٥ دقايق كل يوم أول ما تصحى،
فكر في حاجة ( من اللي بتشوفهم حاجات عادية )
تحمد عليها ربنا ( صحتك، بيتك اللي ساكن فيه، عائلتك،
شريك حياتك، شغلك ..وهكذا)

٢) جرب في وسط يومك لو شفت صورة حلوة للطبيعة
أو عديت على جنينة أو بحر أو نيل في طريقك لشغلك
تقول بصوت عالي إنها عجبتك

٣) قرر تشجع حد واحد بس في يومك حتى لو
على حاجة بسيطة (قميصه الجديد، جدعنته معاك،
شطارته في الشغل..وهكذا)

٤) قبل ما تنام أكتب الحاجات اللي كنت ممتن عليها
خلال يومك (مهمة أنجزتها، شخص عزيز قابلته،
مكالمة مهمة استقبلتها، أكلة حلوة أكلتها .. وهكذا)