منتدى الفرح المسيحى - 💕فترة وهتعدي💕

https://upload.chjoy.com/uploads/160473753600011.jpg

عارفين مين الاتنين دول اللي في الصورة؟🤔🤔
دول اتنين اخدوا علقة مووت، اضربو واتسحلو واتجردو من لبسهم كمان💔💔😥😥
ياه اكيد عملو جريمة كبيرة؟🙄🙄
لا لا بالعكس كل الحكاية أنهم شافوا واحدة ست عليها روح عرافة 👹 وأمرو باسم يسوع ان الروح الشريره تخرج منها فالناس ضربوهم وسجنوهم كمان🔒🔒🙆‍♀️
ايه دا يعني بدل مايشكروهم عملو فيهم كل دا؟ 😠
ايوه لأن باختصار كان ليهم مصالح من وراء الست دي ومكانش فارق معاهم حياتها لكن كان فارق معاهم هيكسبو إزاي من وراها💰💰
طيب مالهم مبتسمين وفرحانين في الصورة كده ليه😅😅
أصلهم كانو بيسبحو ويرنمو جوه السجن🎤🎻🎹
كانو عندهم إيمان أنهم هيخرجوا أكيد من السجن وأنها فترة وهتعدي☝️
وعشان كده ربنا زلزل السجن عشانهم👬
وخرجوا بكرامتهم والناس اتحايلو عليهم كمان يخرجو في سلام، وكمان لمسو نفوس وسط سجنهم ورجعوها للمسيح ✝️
بس أنا صعب اعمل كده دأنا لو حد قلي كلمه وجعتني 😩
ممكن ازعل شهر يبقا إزاي اقدر اصلي وارنم كمان🙄
صدق انها فترة وهتعدي وأن كل خطوة صعبة في حياتك وراها مجد وتعويض كبير💪💪
اه نسيت اقولكم ان الاتنين دول هما بولس وسِيلا👇👇