منتدى الفرح المسيحى - كل الاشياء تعمل معا للخير

✝ لما ظروفك تكون صعبة ..

https://upload.chjoy.com/uploads/160459535556481.jpg

و تبقي محتار و مش لاقيلها حل ؟ ... صدق أنه خير !!
✝️ لما جسمك يبقي فيه ألم أو وجع ..و الأدوية أعراضها الجانبية أكتر من فوائدها .... صدق أنه خير !!
✝️ لما تعمل خير مع ناس كتير .. و هما يردوا ليك بدل الخير شر ... صدق برضه إنه خير !!
✝️ لما تكون زى يوسف ترفض الخطية..
و بدل ما يتكافئ تدخل السجن .... صدق أنه خير !!
✝️ لما تتقفل معاك زى موسي .. البحر قدامك و العدو وراك .... صدق أنه خير!!
✝️ حتي لو بقيت زي أيوب و مش ملاحق علي الكوارث فى حياتك
و الدنيا كلها سودة قدامك..
و مش فاهم ليه حتي ؟!
صدق برضه إنه خير !!
✝️ صدق إن لما ربنا يفتح باب..خير
و لما يقفل باب..برضه خير
✝️ لو منح خير .. و لو منع خير
✝️ صدق إن ربنا لما يسمع صلاتك و يستجيب..يبقي خير
و إن لم يستجيب
و تأنى عليك .. برضه خير
✝️ صدق إن الإيد اللى اتثقبت من أجلك..
إستحالة تقدم ليك إلا كل خير !!
✝️ و إستحالة إله كامل الصلاح يعملك حاجة غير الخير !!
أي حاجة طول ما أنت مع ربنا أخرتها خير...
و لو مش خير..
يبقي دي لسه مش أخرتها .. عارف ليه ؟
✝️ " لأن كل الاشياء تعمل معا للخير للذين يحبون الرب "