منتدى الفرح المسيحى - كلمة حلوة ومشجعة جدا جدا للبابا تواضروس عن الخدمة

https://upload.chjoy.com/uploads/160435168429451.jpg

كلمة حلوة ومشجعة جدا جدا للبابا تواضروس عن الخدمة 👇🏻
+ بتهتم بالتحضير ، مع إن مش الكل بيركّز .
+ بتتعب في الإفتقاد ، مع إن مش الكل بيستجيب ويجي .
+ بتشتري مجلات وتطبع مسابقات ونبذات وبتلاقي نصها مرمي على الكراسي بعد الخدمة .
+ بتعمل مؤتمرات وخلوات ويمكن الربع بس رايح يستفاد والباقي عايز يلعب وبس .
اســـتـمـــــــر ✋🏻
+استمر ومالكش دعوة بالنمو دي شغلة ربنا ارمي انت بس البذار .
+ استمر وهتلاقي كتير ثبتت الكلمة في ضميرهم وأرواحهم
، حتى لو نسيوا الدرس وبانوا مش منتبهين لحاجة .
+ استمر تشتغل علشان تعد الكوادر لأنك لو خليت مستوى خدمتك
على قد اللي مش مهتمين أو مركزين هاتكون ظلمت اللي عندهم استعداد للنمو والتقدم .
يعني هتوزع ٥٠ مجلة علشان الخمسة اللي هايقروها..
وهاتحضّر درس خرافي ، علشان الكاهن اللي هايخدم كنيستك فيما بعد ، وأمين الخدمة
، والزوج والزوجة الصالحين ، والمسيحي الأمين في العالم ... ممكن يقل عددهم لكنهم يستحقوا .
بطريرك الكنيسة عندك في الفصل