منتدى الفرح المسيحى - إنتى مهونتيش عليا

يرضيكى يا ام النور دا احنا ستات ذى بعض😞

https://upload.chjoy.com/uploads/160416590136762.jpg

كانت راهبه تعانى من ألم فى بطنها وذهبت إلى المستشفى وبعد تشخيص الأطباء قرروا أنه لأبد من إجراء جراحة فثارت الراهبة
** إزاي وأنا راهبه انكشف على دكاترة رجال ويشوفوا جسدى **
مش هينفع أعمل العملية بس الدكاترة اصروا على إجراء الجراحة وبالفعل اتحجزت فى المستشفى القبطى وتانى يوم جالها الدكتور المتابع
وقالها ابسطى يا أمى فيه دكتور أجنبى جاى وهو اللى هيعملك العملية
فكان فى كل غرفه فى المستشفى صورة
وكانت فى غرفة الراهبة صورة للعدرا
فصلت الراهبة وبدأت تعاتب العدرا
* ينفع كده يرضيكى يا أمى إنى انكشف على رجاله وأنا راهبة النهاردة يعملوا العملية وبكره يفكوا السلك وبعده يغيروا ع الجرح يرضيكى كل ده اومال أنا كنت اترهبنت ليه يرضيكى ياعدرا داحنا ستات ذى بعض *
وانهارت فى العياط وفجأه صورة العدرا بدأت تكبر تكبر تكبر لحد ما جات العدرا وقفت جنبها
وقالتها مايرضنيش أنا جبت الأدوات تحت دراعى وأنا اللى هعملك العملية طلعت العدرا منديل من تحت دراعها فى مقص ومشرط وأدوات لزوم العملية
وكانت حاطه فى طرحتها ابره وفيها خيط
قالتها جاهزه نعمل العملية قالت الراهبة آه جاهزة
مكان الوجع فتحت العدرا بالمشرط
وقالت للراهبة حسيتى بحاجة
قالتها لا .. راحت العدرا كملت وبعد شوية صغيرين استئصلت الجزء اللى فيه الألم وحطته على قطنة وقالت للراهبة أدى ياستى الجزء
وحطته ع الكومدينو جنب السرير وطهرت الجرح وحطتله قطنة ولزق وقالتها أوعى حد يجى ناحية الجرح
أنا بعد تلات أيام هجى أشيل الخيط
واغيرلك ع الجرح صحيت الراهبة الصبح لقت القطنة اللى فيها الجزء المصاب موجوده جنب السرير
قالت يعنى أنا مش بحلم وحطت ايدها على بطنها
لقت اللزق شكرت ربنا والعدرا وبعد شويه جالها الدكتور وقالها يلا يا أمى اجهزى علشان الدكتور جه
وهتعملى العملية النهاردة قالتله الدكتورة السماوية
سبقته وجات عملتلى العملية الدكتور إزاي ..
طب اشوف الجرح .. طب اقيسلك الضغط ..
الراهبه قالتله أبداً محدش هيقرب من العمليه والعدرا هتيجى تغير ع الجرح بعد 3 أيام ومقلتش هتيجى امتى علشان محدش ينتظرها
وفعلاً بعد 3 أيام جات العدرا وشالت الخيط وغيرت ع الجرح ومسكت الراهبة من ايديها ومشتها داخل الغرفة وبعد كده نيمتها فى السرير وقالتها إنتى مهونتيش عليا علشان إحنا ستات ذى بعض
" السلام لكى يا أم النور "