![]() |
لكل يوم زوّادة: يا زغيرة السّما : 25 / 10 / 2020 /
لكل يوم زوّادة: يا زغيرة السّما كانت القدّيسة تريزيا الطفل يسوع ناطرة يصير عمرها يسمحلها تعمل اوّل قربانة و حتّى بتقول انها جرّبت تحكي الأبونا تقنعو يسمحلها تتناول قبل بوقت بس ما قِبِل. شو عملت؟ جابت دفتر صارت تكتب فيه كل اعمال المحبّة و الإماتات اللي عم تعملها و تعدهن و تسأل اختها اذا صارو يكفّو حتّى تستقبل يسوع بقلبها! بتلات اشهر قدرت تجمع 800 تضحية و 3000 فعل محبّة! و كل يوم قَبل ما تنام تسأل اختها بولين: اليوم كنت لطيفة و مطيعة؟ كان الله راضي عَنّي؟ و ما كانت تغفى قبل ما تسمع جواب يطمّنها و يقنعها! اذا منتطلّع بحالنا اليوم قدّيش نحنا بعاد عن روحيّة تيريز؟ كم مرّة بالنهار منزعِّل يسوع و منمشي ما كأنّو صار شي و منغفى ما منفكّر حتّى باللي عملناه! كم مرّة بالنهار منتصرّف بأنانيّة؟ كم مرّة بالنهار منعمل اشيا ما بتشبه المحبّة بشي!؟...رشّي ورودك يا زغيرة السما بقلوبنا و بحياتنا حتّى نتعلّم مِنّك الحب! https://upload.chjoy.com/uploads/16036012612181.jpg |
رد: لكل يوم زوّادة: يا زغيرة السّما : 25 / 10 / 2020 /
ميرسي علي زوادة اليوم
ربنا يفرح قلبك |
رد: لكل يوم زوّادة: يا زغيرة السّما : 25 / 10 / 2020 /
آمين يا رب |
الساعة الآن 04:07 AM |
Powered by vBulletin® Copyright ©2000 - 2025