منتدى الفرح المسيحى

https://upload.chjoy.com/uploads/160352542519111.jpg

ممكن دم هابيل يسفك و رأس المعمدان تقطع ،
لكن مش ممكن صوتهم يموت و لا تأثيرهم يقل في التاريخ
و عبر الازمان ، حتي صاروا عظة حية و فخر للشهداء ..

ممكن قميص يوسف يتمزق و ينزع منه
، لكن مش ممكن شخصية يوسف تتمزق و لا إيمانه ينزع منه
، حتي اوصله الله الي علي عرش مصر ..

ممكن داود يُطرد من الجيش و يُجبر علي ترك زوجته
بسبب حماه الشرير شاول
، و ممكن يطارد في الصحراء سنين من جيش الملك ،
لكن مش ممكن وعد الله ما يتمش في حياته،
فيسقط شاول قتيلا في الحرب، و يصعد علي العرش
و يصير الملك اللي اختاره الله ..

ممكن دانيال يلقي في جب الأسود، لكن مش ممكن تلتهمه
، فيحميه ملاك الله و يصعده منه مكرما،
و يتم إلقاء اعداؤه فيه و يموتوا في نفس المكان ..

يا صديقي :
ممكن الشر يتساب لحين، لكن مش ممكن يؤذيك ،
بالعكس ح يتمم قصد الله الخَير لحياتك من اول الارض لوصولك الي السماء ..