منتدى الفرح المسيحى - دايما الحلو بيجي بعد المر اللي بنمر بيه 👌💛

https://upload.chjoy.com/uploads/160352482655991.jpg

واحد بيقول
مره كنت معزوم عند جماعه قرايبى، بعد الأكل قدمولي حلويات وجاتوه، بصراحه انا من عُشاق الحلويات ،أكلت الطبق كله ،
بعدها قدمولي شاي، المهم جيت أشرب الشاي لقيته مفيهوش سكر ، فحطيت سكر ، بردو مش حاسس بأي سكر ف الشاي
، فضلت احط ف سكر ومفيش أي فايده
، الشاي لسه مر ..
فقلت لقريبي ده ، هو ليه السكر ده ما بيحليش ؟؟
لاقيته ضحك وقال لي طب ثواني اجبلك السكر التاني
جابلي معلقه وقالي بس دوقه الاول قبل ما تحطه ف الشاي ، قلت له لا ياعم انا واثق فيك..
المهم هو أصر إني أدوقه الأول ، خدت شويه ف معلقه وبدوقه لقيت نفسي كنت هرجع ..
ايه ده يعم ده ملح ..
لاقيته ضحك نفس ضحكته وقال لي تقدر تشرب الشاي دلوقتي ..
بصيت له كده ، وقلت له انا مش فاهم حاجهً
قال لي ..
مستحيل تقدر تميز الطعم الحلو طول ماهو على طول فى بُقك
، لازم كسره مُره عشان تقدر تميز ..
الخلاصه
اوعى تفتكر الحزن اللي انت فيه دلوقتى هيدوم بالعكس
ده مجرد كسره عشان تقدر تميز طعم الفرحه وتستمتع بيها
مهما طال الوقت خليك واثق تماماً ان اكيد هيجي اليوم وربنا يحلي فيه بُقك
دايما الحلو بيجي بعد المر اللي بنمر بيه 👌💛