منتدى الفرح المسيحى - شخصيات كتابية نتعلم منها ( شيرة بنت أفرايم )

https://upload.chjoy.com/uploads/160313510143851.jpg

شيرة بنت أفرايم
معنى اسمها بقية أو مقتطفة
يمكن الاسم يكون غريب على البعض لأنه ذكر من وسط أسماء كتير في الأصحاح السابع من سفر أخبار الأيام الأول
تعالوا نتعلم من شيرة مع بعض
1- شيرة المعينة
افرايم كان عنده 9 أولاد كانوا بيرعوا الماشية وقتلوهم رجال جت كلهم في يوم واحد وسرقوا مواشيهم وكانت تجربة قاسية على أفرايم وحزن عليهم جدا
بعدما تعزى عن موتهم أنجب ولد سماه بريعة يعني بلية أو بلوة
وبنت اسماها شيرة
لكن شيرة كانت سند لأبوها وعوضته فعلا على التسع أولاد
2- شيرة القوية
في أية 24 من سفر أخبار الأيام الأول الأصحاح السابع نشوف مدى قوة شيرة
24وَبِنْتُهُ شِيرَةُ. وَقَدْ بَنَتْ بَيْتَ حُورُونَ السُّفْلَى وَالْعُلْيَا وَأُزَّيْنَ شِيرَةَ
تخيلوا بنت بنت تلات مدن برغم التعب الشديد في الوقت ده لكنها كانت قوية
لدرجة انما اخدت نصيب من أبوها زي الأولاد واطلقت اسم المدينة التالتة أزين شيرة يعني نصيب شيرة
تعالوا نطبق اللي اتعلمناه
1- دايما حاول انك تساعد وتخفف ألم الناس وشيل عنهم
واطلب من ربنا انك تكون سبب في مسح دموع الناس وتخفيف حزنهم
شيل على الناس همهم هتلاقي كتير يشيلوا عنك وقت همك
2- في وقت ضعفك تماسك وكن قوي بربنا واطلب القوة منه
في اوقات مهما كنت ضعيف لازم تمسك نفسك علشان لا تداس من الناس