منتدى الفرح المسيحى - كل شمعة بتخبّر حكاية شخص

كل شمعة بتخبّر حكاية شخص

https://wp.ar.aleteia.org/wp-content...7.31.50-1.jpeg

في حريصا،
في هالمكان المقدّس،
شو في قلوب ونفوس تعبانة
ما بترتاح إلا عندك،
يا أمّنا مريم،
لأنها على ثقة إنك أمّ الله
اللي بتحبّنا من كل قلبها
وبتهتمّ بكل تفاصيل حياتنا!
في هالمكان المبارك،
كل شمعة بتخبّر حكاية شخص
عم تحترق كرماله!
كل شمعة حاملة معها سرّ
وجع ونيّات قلوب مجرّحة…
جروحات كتيرة مقابيلها نعم أكبر،
نفوس مجروحة إجت تشكي همّها عند أمّها!
https://wp.ar.aleteia.org/wp-content...-17.31.49.jpeg يا مريم،
يا سيّدة حريصا،
منحطّ قدامك نيّاتنا وجروحاتنا،
وأحزاننا وأفراحنا…
تضرّعي كرمالنا واحمي لبنان
اللي عم تكسّره الأوجاع…
منوثق إنو الربّ عم يسمع صلواتنا،
وإنك عم تتشفّعيلنا كرمال تتمّ إرادة الله في حياتنا،
ونختبر حبّ ابنك بكل اللحظات، الحلوة والمرّة،
ويضوّي نوره المقدّس ظلماتنا إلى الأبد.
آمين.