زوّادة اليوم:

بتقول القدّيسة تيريزيا الطّفل يسوع :
"تذكّروا دائمًا أن ما من شيء صغير في عيني الله.
إفعلوا كل ما تقومون به بمحبّة.."

في اشيا منعملها كل يوم يمكن ما مننتبهلا أد ما زغيرة، يمكن نقول صباح الخير يعطيك العافية لشخص مش معوَّد حدا يسلّم عليه، يمكن تساعد ختيارة تقطع الطريق، يمكن تساعد حدا بكيس تقيل مش قادر يحملو، يمكن تقول شي لحدا تردّلو ثقتو بحالو..
ما في شي مش حرزان بميزان الرب، كل فعل إلو وزنو و فوق بالسما المقياس مش متل هون..
المقياس هيّي المحبّة.. كل فعل أد ما كان بنظرك زغير بتعملو بمحبّة بيكون بنظر الرب كبير و كل فعل أد ما كان كبير بتعملو و بتربِّح فيه جميله ما كأنّك عملت شي !
و الله معكن ..