منتدى الفرح المسيحى

منتدى الفرح المسيحى (https://www.chjoy.com/vb/index.php)
-   شبابيات الفرح المسيحى (https://www.chjoy.com/vb/forumdisplay.php?f=91)
-   -   بكرة تحتاج قفاه (https://www.chjoy.com/vb/showthread.php?t=715672)

walaa farouk 13 - 10 - 2020 08:34 PM

بكرة تحتاج قفاه
 
https://upload.chjoy.com/uploads/160262113519151.jpg


سمعت عن المثل العبقري اللي بيقول "اللي ما تحتاجش وشه النهاردة بكرة تحتاج قفاه " ؟؟
اصل الدنيا دوارة ، و اللي يحسب لها حسابات في الهنا يبات!!
من قوانين الدنيا أنك ما تتجبرش و لا تتفرعنش علي حد .
. انك تعرف ان اللي بتعمله ح يلف و يرجع لك، و أن اللي بتقوله النهاردة بكرة يتقال عليك ..
من قواعدها كمان انك اوعي تظلم حد او تكبر علي حد ..
و ان اللي انت اذيته و لو بكلمة ، بكرة ح تلاقي نفسك مزنوق له و مفيش قدامك غيره و مش ح تعرف تحط عينك في عينيه ..

و زي ما زرعت ح تحصد بس استني شوية ،
لأن صينية الدنيا لفّافة ، الكوباية اللي سقيتها لغيرك ح تلف و ح تشرب منها غصب عنك ..
برضه الخير كده ، ح يجي ح يجي ، من نفس النوع أو من أنواع تانية .

يعني لو اديت فلوس مش لازم ترجعلك فلوس
، ترجع لك حب و احترام و حماية من ضرر و صحة و رزق واسع ..
يبقي خد بالك من زرعتك ، لأنك ح تاكل منها و لو بعد حين
، كانت شر أو كانت خير ..
و ياريت تكون خير
..


الساعة الآن 06:43 AM

Powered by vBulletin® Copyright ©2000 - 2025