منتدى الفرح المسيحى - ٨ قوانين للظالم و المظلوم

https://upload.chjoy.com/uploads/160259385030091.jpg

١-قانون طول الاناة : ربنا يطول باله قوي علي الظالم و يبعتله رسايل لعله يتوب قبل ما الغضب الإلهي المخيف يقع عليه هنا علي الارض و هناك في الابدية ..

٢-قانون الشكر و الصبر : اوعي تتذمر و تشكو .. كل ما تشكر و تصبر ، كل ما التعزية الإلهية تملأ قلبك و ترطب مشاعرك المجروحة و تجملك بالفضيلة "وبعض الفاهمين يعثرون امتحانا لهم للتطهير وللتبييض (دانيال ١١: ٣٥)

٣-قانون التعويضات : يعوض المظلوم عن اللي حصله و لو بعد حين ، في رزقه و صحته و أولاده و حمايته و راحة باله ..

٤-قانون الحق : من حق المظلوم أن يطلب حقه بكل الطرق المشروعة.. و من حقه أيضا اذا حب انه يسلم قضيته لله و هو اللي ياخد له حقه "يسلم لمن يقضي بعدل.. (١ بطرس ٢: ٢٣) و
« عبثا تعبت. باطلا وفارغا أفنيت قدرتي. لكن حقي عند الرب».. (إشعياء ٤٩: ٤) ..

٥-قانون الصلاة : أن تحب و تحسن للظالم و لا تتكلم عنه إلا بالخير " أحبوا أعداءكم. باركوا لاعنيكم. أحسنوا إلى مبغضيكم، وصلوا لأجل الذين يسيئون إليكم (متى ٥: ٤٤) .. كده انت بتشهد له عن الله و تنير قلبه للسما ، و في نفس الوقت يتحفظ قلبك من نار الكره و عذاب الانتقام و تتملي سلام..

٦-قانون الرحمة : لو اتظلمت اوعي تظلم؛ خليك عادل و كريم و محب و رحيم علي الكل ، انصف المظلوم و حامي عن المحتاج و اقف جنب الضعيف .. كده ربنا يشوف قلبك و يرفع عنك الظلم زي ما انصفت المظلوم ..

٧-قانون الخدمة : احسن وقت كتب فيه الرسول بولس عن الله كان و هو مظلوم و مربوط بسلاسل جوه السجن .. اقرأ رسايل افسس و كولوسي و فيلبي و فليمون تعرف جمال النعمة و حب الناس و مجد السما .. انتظار النفس المظلومة عند قدمي الله شاكرة متضعة سر نحاح الخادم الأمين..

٨-قانون عشرة الله : مرات في الظلم ما بتلاقيش غير ربنا يسمعلك و تشتكيله، فبتقرب منه و تركع عند رجليه و تتعلم عشرته و تتمتع بحضوره ..