منتدى الفرح المسيحى - درس مهم لخلاصي

فضفض معاه ... وماتسكتش

https://upload.chjoy.com/uploads/160243389491031.jpg

لما تتألم وتتوجع من قلبك
اصله هو مش غاوي يعذّبك ويشوفك تعبان
اتكلم معاه ... قوله فهمني قصدك ... عرفني مشيئتك
اصل انت اله صالح ... صانع كل الخيرات
+ انا عارف انك بالألم ده عايز تديني درس
درس مهم #لخلاصي ... درس من غيره مش هقدر اوصل لسماك واكمل حياتي معاك ⁩
انت اللي عايز
« أَنَّ جَمِيعَ النَّاسِ يَخْلُصُونَ، وَإِلَى مَعْرِفَةِ الْحَقِّ يُقْبِلُونَ. »
+ عارف كمان انك بتعدّني لمهمة ما بالألم ده
ايه هي مش عارف ؟؟؟
بس علي الاقل علشان انا هكون جربت واتعلمت الدرس
تقدر تخليني شبهك وأشجع اللي لسه الألم بيوجع قلوبهم
" اصل انت عايزنا كلنا كنيسة مُنتصرة .. منتصرة علي الألم والوجع اللي سيطر علي حياة ولادها .. علشان نبقي شبهك ونقدر نكمل حياتنا معاك
« لأَنَّهُ فِي مَا هُوَ قَدْ تَأَلَّمَ مُجَرَّبًا يَقْدِرُ أَنْ يُعِينَ الْمُجَرَّبِينَ. »
+ كل ده ياربي انا واثق منه
واثق في حبك وترتيباتك ومشيئتك
واثق « أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ،
الَّذِينَ هُمْ مَدْعُوُّونَ حَسَبَ قَصْدِهِ.»
بس انت عارف بردوا شخصي الضعيف
عايز روحك تسند ... محتاج روحك تعين
محتاج فرح يعزي .... وصبر يخليني اكمل
زي ما بولس الرسول أتأكد وأعلن
« وَكَذلِكَ الرُّوحُ أَيْضًا يُعِينُ ضَعَفَاتِنَا، لأَنَّنَا لَسْنَا نَعْلَمُ مَا نُصَلِّي لأَجْلِهِ كَمَا يَنْبَغِي. وَلكِنَّ الرُّوحَ نَفْسَهُ يَشْفَعُ فِينَا بِأَنَّاتٍ لاَ يُنْطَقُ بِهَا.» رو 26:8
روحك ياربي يقود ويكمل معايا الرحلة
#أمين