منتدى الفرح المسيحى - اوعي تقبل ان حد يستقل بيك أو لا يحترمك

انت غالي

https://upload.chjoy.com/uploads/160250182135671.jpg

د.مجدي إسحق
اوعي تقبل ان حد يستقل بيك أو لا يحترمك..
تسامح دي حاجة ، و توافق علي قلة القيمة دي حاجة تانية خالص ..
اللي ما بيحترمكش واكتشف انك موافق ح يكرر عدم احترامه ليك ، و ح يزيد فيها ، و عمره ما ح يقدرك..
ح يستغل تسامحك و طيبة قلبك ، و ح يضاعف من انه يستقل بيك ، انا اسف ح"يسترخصك".
مش بس كده ، ده انت كمان اديته قلم في نفسه و علمته يستقل بكل الناس مش بيك انت بس ..
كرامة الناس مش لعبة ..
انت غالي و ابن الغالي ، واللي ما يعرفش قيمتك له في قلبك الحب ، لكن ما لوش في حساباتك مكان ..
طبعا تحبه لان دي اخلاق ولاد الملك ، لكن خد موقف راقي :
-واجه لو تقدر ..
-اغضب بأدب من غير ما تغلط ..
-اوعي تفرض نفسك عليه أو تنصحه أو تحاول تعمل له خدمة هو ما طلبهاش منك باحترام و أدب ، لأنه ح يفهم انك بسترضيه و خايف منه و بسترخصك اكتر ، و مش ح يقدر اللي بتديه و يعتبره حق مكتسب ، و تبقي "حسنة و انا سيدك" !!
-انسحب من حياته بحكمة ، ما تسعاش للقاؤه و حدد علاقاتك بحدود الأدب و الذوق ؛ تجنب لقاؤه و الوقفة و المسايرة ، سلم و ابتسم و امشي .. و "يا نحل لا تقرب مني بعسلك و لا بقرصك" !!
إنما اوعي تكون "رخيص" عند حد مهما كان ..
و اكبر عقاب محترم للي ما بيقدركش انك تستغني عنه ..