منتدى الفرح المسيحى - مافيش زيك إله

انت يارب الراعى لينا...ولا لينا غيرك اله
انت اللى عارفنا بأسامينا...انت الألف وانت الياء

انت اللى تحقق امانينا...انت الكنز وانت الجاه
انت اللى ساندنا وحامينا...انت هو راعى الرعاه

انت اللى تقود لنا السفينة...وترسيها لبر نجاة
أكلنا أشبعنا اروينا...من مَنّ وسلوى السماء

خليك نور يهدى خطاوينا...دا انت نور وطريق وحياه
مهما احتاجنا بتكفينا..وبتسمعنا فى قولة الأه

وسط البرد بتغطينا..تحت جناحك نلقى وفاء
وسط الامنا انت تعزينا...نلقى فى ايدك انت شفاء

وبتهدى نفوسنا ترسيّنا..وتطمنا يا ابن الله
وسط الضيقة ايديك تلاقينا..وتحطم صخور صماء

دا انت يارب كل مالينا وانت فى قلبى اغلى رجاء