منتدى الفرح المسيحى - شكرا من قلب جديد عملته ايدك

https://upload.chjoy.com/uploads/160197630943691.jpg

كان بينسبنى ليه وسط مانا شايفانى قله
..كان بيربينى وبيطبع بصماته فيا وسط مانا شايفانى مليش قيمه.
.كان بيجمل تشوهاتى وبينقى كيانى وسط مانا شايفاه
مش راحمنى وايده مصدر وجعى ...كان بيكسينى بالنعمه وبيكلل قلبى بالمجد وسط مانا شايفه ان الخزى هو سكتى ..
بس ابص عليا و اشوفنى وادور على كل اراضى وجعى
الاقيها طرحت ثمر ..كل اراضى الانتظار والصبر طرحت تشكيل.وتغير ..كل الاراضى اللى اتحرثت واتحفرت واتغرس بالالم بذورها طرحت اشجار تاتى الطيور وتتاوى فى اغصانها .
. كل اراضى خربه مظلمه صارت سكنى لروحه
لاده فضلى ولا جميلى ..ده افتقاده وزياره نعمته اللى لولاهم
كنت لازالت بجتر مراره انسانى العتيق .
.شكرا من قلب جديد عملته ايدك على كل شده
شوفتها وقتها بتوجعنى واتاريها كانت وجع التئام جروحى ..