منتدى الفرح المسيحى - رسالة حب من تريزيا الطفل يسوع الأخيرة

رسالة حب

https://upload.chjoy.com/uploads/1475415252071.jpg

كلنا منعرف الله قديش حب الانسان
لتجسد و مات و قام كرمالو
كلنا منعرف قديش في ناس حبت الله و ضحت كرمال يتمجد اسمو

بس اليوم حابب خبركن عن انسانة
عشقت الله لصار عريسا السماوي
عاشت ٢٤ سنة و الباقي كملتن بالسما
و قالتلو من هونيك رح شتي ورد و نعم
تيريز الطفل يسوع اللي عرفت كيف تسرق قلب السما و اختارت كل شي
هيي اللي عطرت القداسة بعطر الورد
و رسمت الطريق ليهون الدرب الصعب
وهيك بصير كل انسان مين ما كان مدعو للقداسة بمجرد رغبة قلب و دعوة و
لأنو الدعوة مميزة و الدعوة مليانة حب بتتطبق بحياتنا بنظراتنا و تفكيرنا و بتعكس يسوع
هيي اللي عاشت الحب بصمت و صلاة و خدمة و طاعة هيي اللي بتعلمنا نعيش ألمنا بفرح و نسبح الله بكل لحظة و نحمدو و نمجدو و نسجد للقربان الحي
مع تيريز صارت الخدمة لفتة حب لخينا الانسان ليكتشف معنا يسوع
مع تيريز تغيرت مفاهيم كتيرة …

معلمة بالكنيسة زهرت الأرض عغيابا ورد يحكي السما و يقلا جايي لعندك الأمينة جايي لعندك تيريز الزغيرة
ل من فوق تضل تشتي نعم
لكل قلب بقول للرب نعم