منتدى الفرح المسيحى - اوامره نافذة و للخير

https://upload.chjoy.com/uploads/160114688820641.jpg

لما ربنا يؤمر تقف قوانين الحياة صامتة أمام أمره :
المرض يهرب و الروح ترجع للميت و البحر يبقي طريق و النار تبقي برد و سلام
و الريح تبقي نسيم و الأسود تبقي حملان..
و لما ربنا يؤمر تدابير الناس و خططهم تخرس : هامان الوزير يخضع لمردخاي الفقير الغفير
، و ارتحشستا الملك الوثني يسمح لنحميا للناس سور أورشليم
و اخاب الملك يرتعب أمام ايليا النبي و يسمع كلامه ،
و هيرودس الملك اللي قتل يعقوب اوصله للسما
هو بعينه اللي يقف مرعوب من بطرس اللي خرجه الملاك من السجن
و بعدين يأكله الدود بعد أن ضربه نفس الملاك ..
احسبها علي أوامر الله : لو ساب المرض و الالم يبقي ح يوصلك بيهم للسما ،
و لو ساب الأشرار شوية يبقي ح ينقوك و يؤهلوك للفضيلة و الشكر و الرضي
و يحول كل شرهم للخير ، و لو قضي علي الالم
ووقف الأشرار يبقي بيفرحك و يكمل ليك و بيك رسالته في الدنيا لحد ما توصل السما..
اوامره نافذة و للخير ، و صح الصح !!