منتدى الفرح المسيحى - شخصيات كتابية نتعلم منها ( ملكي صادق )

https://upload.chjoy.com/uploads/160111377888711.jpg

ملكي صادق
شخصية عظيمة مرت مرور سريع في الأصحاح 14 من سفر التكوين
وذكر في آية في المزمور 110
وذكره بولس الرسول في رسالة العبرانيين
معنى اسمه ملك البر
كان ملك أورشليم وكان كاهن الله العلي
تعالوا نشوف هنتعلم ايه من شخصيتنا النهاردة
1- ملكي صادق ملك البر
في الفترة اللي كان عايش فيها أبونا إبراهيم تقريبا معظم الناس لا تعرف الله وبيعبدوا أوثان لكن ملكي صادق كان بار
ومن بره إن أبونا إبراهيم شعر بنقاوته وبره وتعامل معاه على أنه أكبر وقدم ليه العشر
2- كاهن الله العلي
ملكي صادق ما كانش من نسل الكهنوت زي لاوي بن يعقوب لأن يعقوب ما تولدش لسه
ولكن كان كهنوت ملكي صادق غير الكهنوت اليهودي اللي بيقوم على الذبائح الدموية
18وَمَلْكِي صَادِقُ مَلِكُ شَالِيمَ أَخْرَجَ خُبْزاً وَخَمْراً. وَكَانَ كَاهِناً لِلَّهِ الْعَلِيِّ
وكلمة أخرج هنا بالعبري יצא (ياتسو) يعني اخرج بنبع أو أخرج بقوة أو أخرج بإنتاج
وده كانت نبوة عن السيد المسيح في مزمور 110
أقسم الرب ولن يندم أنت كاهن إلى الأبد على رتبة ملكي صادق
3- ملكي صادق ضيف عابر
قيل عنه بلا أب بلا أم بلا نسب
ده مش معناه انه بلا أب لكن ذكر بولس الرسول انه بلا أب بلا أب بلا نسب من جهة الكهنوت
تعالوا نطبق اللي اتعلمناه
1- حافظ على نقاوة قلبك حتى في وسط شرير
كن دايما زي الملح اللي يصلح ولا يفسد
2- خليك دايما تابع لسيدك وربك وافتخر انك أحد خدامه
اعمل وصاياه وخلي الناس (القريب والغريب) يشوف صورته في حياتك
3- اعتبر نفسك ضيف على الأرض وخليك ناظر لبيتك الأبدي في السماء
حياتنا على الأرض قليلة ورديئة خليها دايما لذكرى طيبة بعد انتقالك
صلوا من أجل الخدمه