منتدى الفرح المسيحى - علاقة ولا مجرد فرض

https://upload.chjoy.com/uploads/160092831076121.jpg

واحدة من السلوكيات
اللي بتطبع صورة مغلوطة عن الله جوانا،
هي لما الآباء بشكل أو بآخر
يبدأوا يعاقبوا أولادهم لعدم آدائهم الفرائض الدينية
يقولولهم مثلا: "إنت محروم من المصروف
علشان ماصليتش النهاردة"
أو "إنتي مش هتروحي عيد ميلاد صاحبتك
لو محفظتيش الآيات دي"،
وغالبًا ده بيكَوِّن وبيشكل في فكرنا انطباع غلط
عن الله .. إنه مش عايز مننا غير
الالتزام بالفرائض وتنفيذ القوانين ..
لكن الحقيقة إن ده مش الله تماماً..
لأن الله الحقيقي هو أب بالدرجة الأولى..
يهمه العلاقة القوية العميقة بينا وبينه،
يهمه اننا نكون احنا حابين نقعد معاه من نفسنا
ونحب نقرأ كلامه ونقوي علاقتنا بيه..
من غير عقاب لو معملناش كده.