لكل يوم زوّادة: إعرف قيمة حالك

بيخبرو عن شب لاقى بِقَبو بيت جدّو عقد عليه غبرة و شكلو قديم حملو و كَبُّو قال شو هالإشيا يلّي ما الها عازة اللي كانت تجمّعهن ستّي. كان مارق من هونيك جوهرجي انتبه للعقد عالأرض لَمُّو و فحصو ما صدّق عيونو طلع عقد في مِنّو 2 بالعالم و كتير غالي. اخدو معو و حطّو بمتحف للغراض الأنتيكا و الزوّار هونيك بيعرفو قيمتو منيح! اليوم بدنا نقلّك انّو في ناس ما بيقَدْرو قيمتك و في ناس بالعكس! بس الأكيد انّو بَيَّك بالسما عارف قيمتك كتير منيح و مات كرمالك عالصليب حتّى يخلصك من الموت و يقدّملك الحياة الأبديّة! عيون البشر معوّدة تدلّ عالعيوب لأنها ما بتشوف بحُبّ، كرمال هيك اعرف قيمة حالك و كون مع اللي شايفينك بعيون الله! الله معكن