منتدى الفرح المسيحى - مثل العذارى الحكيمات وأيضاً العذراى الجاهلات

https://upload.chjoy.com/uploads/160081321422281.jpg

فى نصف الليل صراخ العريس على الأبواب
من كان مستعدًا يلقى رب الأرباب

+ كان فيه عشر عذارى * أخدوا معاهم مصابيح
وراحوا ينتظروا العريس* ويقابلوه بالتسابيح
خمسة منهم حكيمات * زيت للمصابيح أخدوا
وخمسة كانوا جاهلات * حتى الزيت نسيوه

+ وفى وسط الليل منادى * العريس على الأبواب
هيا تعالوا بسرعة * واستقبلوه بترحاب
قامت كل العذارى * لما سمعوا النداء
كل واحدة تزين * مصباحها للقاء

+ قالت الجاهلات لأخوتهم * أعطونا زيت معناش
ردوا الحكيمات بالحكمة * جايز مايكفيناش
ذهبوا الجاهلات مسرعات * بحثوا عن زيت للأنية
وصل العريس وقفل الباب * ومعاه العذارى الحكيمات

+ رجعوا الجاهلات وقالوا * يارب أفتح الباب
رد وقال لا أعرفكم * أنتم من الأغراب
اللى سهران ومستنى * يدخل معايا الملكوت
يقعد جنبى فى عرشى * فى فرح دائم لا يموت

+ والمثل دا إشارة * لكل المؤمنين
اللى جوة الكنيسة * يقظين أو غفلانين
والحكيمات هم صاحيين * زيتهم بيزيد بإستمرار
يؤهلهم للأبدية * حياتهم مليانة ثمار

+ يارب أعطينا نعمة * نكون عذارى حكيمات
النفس مستعدة * ولا يوم يجيلها سبات
والقلب يفيض بالنعمة * مكرس ليك فى ثبات
والمصباح منور * فى كل الأوقات