لكل يوم زوّادة: عدو الإنسان : " اللّسان "

قال البابا فرنسيس بوحدة من وعظاتو:
"إن الثرثرة والتكلّم بالسوء عن الآخرين هما أسوأ من وباء كوفيد-19 المنتشر في العالم."
قدّيش اخترعو اسلحة متطوّرة بعدو اللسان السلاح اللي بيسبّب اعلى درجة اذى بتعرفو ليش؟ لأنّو الكلمات بيعلقو بذاكرة اللي بيسمعن و بيقتلو مرّة كل ما تذكّرن! اذا ما بدكن تساعدو عالقليلة لو كل واحد بيهتمّ بحياتو و بأمورو و بيتعب و بيشتغل عا حالو بدون ما يؤذي غيرو و ينظّر عليهن شو لازم يعملو و شو لأ و يضوّي عا اغلاطن و عا شوي رح يعيش حياتن عنّن كانت بتكون الدني بألف خير...قدّيش كورونا سريع الإنتشار الحكي البشع بعد اسرع! قبل ما تقولو الشغلة فكرو اذا ما عندكن مشكلة تقولوها قدّام عرش ربنا و حسب الجواب قرّرو اذا لازم تنقال او لأ..."لِذلِكَ كُلُّ مَا قُلْتُمُوهُ فِي الظُّلْمَةِ يُسْمَعُ فِي النُّورِ، وَمَا كَلَّمْتُمْ بِهِ الأُذْنَ فِي الْمَخَادِعِ يُنَادَى بِهِ عَلَى السُّطُوحِ." (لو 12: 3)