منتدى الفرح المسيحى - احنا بقينا لبعض حقيقي

كلمات ترنيمة
احنا بقينا لبعض حقيقي
(ترانيم افراح)
ـــــــــــــــــــــــــــــــــــــــــــــ
( 1 )
احنا بقينا لبعض حقيقي يعني طريقك هو طريقي
نفسي اصدق اللي انا فيها مش احلام
انتي معايا وايوه انا ليكي والدبلة منوره في ايديكي
يعني اتحقق وبيتعاش حلم الايام
بأشكر ربنا من جوايا اني معاك وانك ويايا
واللي في قلبي مش هيكفي اي كلام
كل سنيني الجايه معاكي هتكون اجمل وانا وياكي
تفضلي جنبي نمشي طريقنا سوه لقدام
الـقــرار
(اللي اختارنا لبعض هيقدر يحمينا لاخر المشوار
واما ننام عينيه اللي بتسهر هتكون بتصون ليل ونهار
حبنا بيه هيعيش وهيكبر شكراً لإلهنا اللي اختار)2
( 2 )
هأفضل شايلك جوه عيوني ولا عمرك ابداً هتهوني
قد ما هأقدر زي ما قال الرب اعيش
انت هتفضل غالي عليا انت هدية ربنا ليا
وانا لو ادور زي هدية ربي مفيش
بأدعي يارب افضل اهنيكي واسعد ايامك وارضيكي
وافضل جنبك حاسس بيكي ومابسبكيش
انت مادام جنبي وعلشاني
راضية ومش هأحتاج حاجة تاني
حبي وحبك علشان من ربنا هيعيش
"