منتدى الفرح المسيحى - شخصيات كتابية نتعلم منها ( شفرة وفوعة )

https://upload.chjoy.com/uploads/160029396364291.jpg

يمكن الاسم يكون غريب على البعض شفرة وفوعة كانت شغلتهم دايات في أيام فرعون ملك مصر قبل ميلاد موسى النبي
ورد اسمهم في الأصحاح الأول من سفر الخروج
معنى اسم شفرة يعني جمال أو زينة
ومعنى اسم فوعة يعني فرح الوالدين
تعالوا بسرعة نعرف ايه حكايتهم ونتعلم منهم
لما شاف فرعون ان بني اسرائيل عددهم زاد
15وَكَلَّمَ مَلِكُ مِصْرَ قَابِلَتَيِ الْعِبْرَانِيَّاتِ اللَّتَيْنِ اسْمُ إِحْدَاهُمَا شِفْرَةُ وَاسْمُ الأُخْرَى فُوعَةُ16وَقَالَ: «حِينَمَا تُوَلِّدَانِ الْعِبْرَانِيَّاتِ وَتَنْظُرَانِهِنَّ عَلَى الْكَرَاسِيِّ إِنْ كَانَ ابْناً فَاقْتُلاَهُ وَإِنْ كَانَ بِنْتاً فَتَحْيَا».
لكن شفرة وفوعة قيل عنهم
17وَلَكِنَّ الْقَابِلَتَيْنِ خَافَتَا اللهَ وَلَمْ تَفْعَلاَ كَمَا كَلَّمَهُمَا مَلِكُ مِصْرَ بَلِ اسْتَحْيَتَا الأَوْلاَدَ
1- شفرة وفوعة ومخافة الرب
مع انهم كانوا مصريين مش يهود ومايعرفوش الرب لكنهم شافوا ربنا في تعامل اليهود وقتها
وانطبق عليهم الآية " يروا أعمالكم الحسنة فيمجدوا أباكم الذي في السموات"
ولأنهم كانوا اكبر دايات ومشهورين أكيد قاموا بعملية ولادة ومتابعة لكتير من الأولاد وده اللي خلاهم اتعرفوا أكتر على الرب
2- شفرة وفوعة وقوة الشهادة
مخالفة أمر فرعون جزاؤه الموت وكمصريين كانوا يعتقدوا إن فرعون إله
لكن إيمانهم إن إله إسرائيل هينقذهم شهدوا بالحق من غير خوف من فرعون
3- شفرة وفوعة ومكافأة الله
ربنا قال أكرم الذين يكرمونني
وعلشان شفرة وفوعة أكرموه وكانوا أول من اعترضوا على الإجهاض ربنا كرمهم 20فَأَحْسَنَ اللهُ إِلَى الْقَابِلَتَيْنِ وَنَمَا الشَّعْبُ وَكَثُرَ جِدّاً. 21وَكَانَ إِذْ خَافَتِ الْقَابِلَتَانِ اللهَ أَنَّهُ صَنَعَ لَهُمَا بُيُوتاً
تعالوا نطبق اللي اتعلمناه
1- مخافة الله في حفظ وصاياه حتى لو كنت بعيد عنه حاول تعيش وصاياه في حياتك
لأن الديانة الطاهرة عند الله الآب هي هذه افتقاد اليتامي والأرامل في ضيقهم وحفظ الإنسان نفسه بلا دنس في العالم
قرب من ربنا علشان تشعر بمخافته جواك
2- لو انت على حق ثق ان الله يقويك واطلب من ربنا قوة الشهادة للحق
وحتى لو كنت مظلوم وحقك افتكرت انه ضاع انتظر مجازاة الله قريبا
3- مهما كان عمل الخير اللي تقدمه صغير محفوظ عند ربنا وليك مكافأة عليه
حتى لو كأس ماء بارد لن يضيع أجرك