منتدى الفرح المسيحى - لما مشكلتك تنتهي بحجر

https://upload.chjoy.com/uploads/16002930602931.jpg

في قصة داود ، سقط الجبار العملاق جليات "بحجرة ملساء" من قاع الوادي (١ صمويل ١٧) ..

و رغم أن داود اختار ٥ حجارة (و يظهر أن هم دول بس اللي لقاهم) ، لم يستخدم الا واحدة
، لأنه كان خايف نشانه يخيب..

لكن رمية واحدة بس مسنودة علي ايد الله ، خلت الحجرة تيجي في جبهة جليات
، و أصابته في مقتل ..

و جه الحل من أهون سبب ..

يا صديقي ..

مشكلتك محلولة من حيث لا تتوقع و لا تحلم و لا تنتظر ..
مشكلتك محلولة بحجراية صغيرة جت في طريقك من غير ما تحسبها
بعد ما كنت شايل هم مواجهة الهم الرهيب ..

ح تلاقي ربنا فتحها لك من حيث لا تدري ، و يبعت لك الحل من غير ما تحسب و لا تقلق ..

و ح تلاقي المشكلة المعقدة وقعت قدامك زي ما جليات اللي كنت فاكر انه "مستحيل الهزيمة"
، وقع عند رجليك ..

ح تلاقي البحر انشق أمام موسي برفعة عصاية ، و الملاك جالك في جب الأسود بصلوة صغيرة ،
و النار ما لمستش ثيابك زي الثلاث فتية برفعة قلب ..

اطمن ..

"حجر النعمة" اقرب لك مما تتصور ، و حل مشكلتك اللي دوختك جايلك عند رجليك