منتدى الفرح المسيحى - شخصية المسيح المبهرة

https://upload.chjoy.com/uploads/160029101430321.jpg

من أكتر الحاجات المبهرة
في شخصية "السيد المسيح" هي تعاملاته
مع عقد وكلاكيع الناس النفسية 🙈
والأذى اللي سببهولهم المجتمع ورجال الدين حتى،
بطريقة مليانة محبة وتقدير واحتواء! 😍
فنلاقيه يقابل زكا ويقوله أنا جاي آكل معاك في البيت،
علشان يوصله رسالة حب،
عكس رسالة الكره اللي استمر مجتمعه وأهله يوصلوهاله سنين!!
وغالبًا دي كانت أكتر طريقة مفرحة ليه، 💗
علشان مش عارف امتى آخر مرة حد كان زاره في بيته.
ولما يقابل الأبرص، مش بس يشفيه بكلمة زي ما عمل مع ناس كتير
لكن ( يلمسه ) علشان يوصله القبول اللي محتاجه،
ده اللي كان لما حد يشوفه في الشارع من بعيد كان
يصرخ ويقول: " نجس!! " .. يااااه قد ايه كان نفسه حد يلمسه
أو يطبطب عليه من غير ما يكون قرفان منه..
هي دي شخصية المسيح المبهرة 😍 🙂