منتدى الفرح المسيحى - رد الكرامة المجروحة

https://upload.chjoy.com/uploads/159972039590841.jpg

علاج الزعلان و المكسور عمره ما كان بالتوجيهات
و التعليمات و العظات ، مهما كان حجم الخطأ ، و مهما كانت المشكلة ..

الاول جبر الخاطر و الحنية و الرحمة و رد الكرامة ..

بعد كده نتكلم في الحق و المستحق و اللي لازم و اللي ما كانش لازم و الصح و اللي مش صح ..

اول ما ترجع للواحد كرامته
، يبقي مستعد يعمل كل اللي تطلبه لرد جميلك
انك احترمته و قدرته و سمعته و كبرته ..

افتكر القاعدة دي ، "قاعدة رد الكرامة"
و انت في بيتك مع شريك حياتك و اولادك
، و في شغلك مع زمايلك و مرؤسيك
، و في خدمتك مع الصغير قبل الكبير ..

و كلمة "حقك علي راسي" ياما حلت مشاكل
و صلحت بيوت و طفت نيران !!

و ما أجمل كلام الله : "المريض لم تقووه، والمجروح لم تعصبوه
، والمكسور لم تجبروه، والمطرود لم تستردوه،
والضال لم تطلبوه، بل بشدة وبعنف تسلطتم عليهم.. (حزقيال ٣٤: ٤)