منتدى الفرح المسيحى - العلاقات ارزاق

https://upload.chjoy.com/uploads/15992632318141.jpg

حلوة العلاقات الحلوة ، رزقها ما بعدها رزق ..

علاقات فيها الناس حلوة بجد ..
لما يحصل زعل يجروا علي بعض و اول الكلام "الدنيا كلها تزعل إلا انت " ..

علاقات منورة واضحة ، الكلام فيها من غير حساب ، تقول اللي جواك و انت مرتاح و متأكد انك مفهوم و مقبول زي ما انت ..

مش بتزوق كلامك علشان تتفهم و لا بتدافع عن نفسك لأنك متأمن بحب اللي معاك ..

علاقات فيها سند ، و خدمة بجد من غير معايرة و لا غدر و لا قلبة وش ..
علاقات كل واحد فيها علي طبيعته، بيلاقي نفسه و اكتر من نفسه ، العهد و المحبة شاهد عليها قلب صافي نضيف و كلام حلو عفيف..

رزق احلي من الفلوس ، جمال العلاقات و النفوس ..