منتدى الفرح المسيحى

https://upload.chjoy.com/uploads/159921417357861.jpg

لما ظروفك تكون صعبة .. وتبقي محتار ومش لاقيلها حل ؟
... صدق أنه خير !!

لما جسمك يبقي فيه ألم أو وجع ..
و الادوية أعراضها الجانبية أكتر من فوائدها .... صدق أنه خير!!

لما تعمل خير مع ناس كتير .. وهما يردوا ليك بدل الخير شر
... صدق برضو إنه خير!!

** لما تكون زى يوسف ترفض الخطية..
وبدل ما يتكافئ تدخل السجن .... صدق أنه خير!!

+ لما تتقفل معاك زى موسي .. البحر قدامك والعدو وراك ....
صدق أنه خير!!

×× حتي لو بقيت زي أيوب و مش ملاحق ع الكوارث ف حياتك والدنيا كلها سودة قدامك..ومش فاهم ليه حتي؟!
صدق برضو إنه خير!!

صدق إن لما ربنا يفتح باب..خير
و لما يقفل باب..برضو خير
لو منح خير..و لو منع خير

صدق إن ربنا لما يسمع صلاتك ويستجيب..يبقي خير
وإن ماستجبش و تأنى عليك .. برضو خير

صدق إن الإيد اللى اتثقبت من أجلك..إستحالة تقدم ليك إلا كل خير !!

++ وإستحالة إله كامل الصلاح يعملك حاجة غير الخير!!

أي حاجة طول ما انت مع ربنا أخرتها خير...
و لو مش خير..يبقي دي لسة مش أخرتها .. عارف ليه ؟

لأن كل الاشياء تعمل معا للخير