منتدى الفرح المسيحى

https://upload.chjoy.com/uploads/159872650449941.jpg

لما بيكون في حد هيشتغل في منصب حساس
أو مهم أو هيعمل مهمة صعبة..
محتاجه قدر عالي من الأمانة والاجتهاد
بيبقى محتاج يجيب جواب تزكية من شخص تاني
ذو مكانة مرموقة أو على الأقل.. محل ثقة يكون إتعامل معاه
ويشهد بأمانته أو باستحقاقه للمكانة دي أو للمهمة الكبيرة دي،
والجواب ده غالبا مش بيكون مكتوب فيه
إن الشخص ده أحسن واحد في الدنيا،
أو إنه مش بيغلط أو إنه ماعندوش عيوب شخصية..
لكن بيكون مكتوب فيه
هل الشخص ده فعلا يصلح للمهمة دي ولا لا
ودا حصل مع بطرس الرسول لما أنكر السيد المسيح،
لكن ظهر له تانى الرب يسوع بعد قيامته من الأموات
وجدد ثقته فيه وتزكيته لمهمة رعاية أتباع المسيح
وقال له: "ارع خرافي"
إنت كمان لو حاسس إنك أوحش من إن الله يقبلك
أو يديك دور، اتأمل في اللي أنكر وشوف ثقة
وقبول ومحبة ربنا ليك، وبرجوعك ليه هيديك امتياز
إنك تخدمه وتكون مؤثر وليك دور.. تحب ترجعله؟