منتدى الفرح المسيحى - قلب بدون سعى

https://upload.chjoy.com/uploads/159864984917631.jpg

ورا كل وجع طالنا كانت فى الاساس محاوله اننا نلاقى الشبع واللى يملا جوف القلب .
.ورا كل معافره وشيل وحط كان فى الاصل محاوله اننا نلاقى ارض الراحه وموضع استقرار .
..ورا كل تنزلات اتقدمت وقلب اتطحن بين رحايا اكاذيب وزيف باسم " الحب تضحيه"
..هى فى الاساس كانت محاوله اننا نسدد ديون الحب والقبول المديونين بيها لنفسنا
كل وقعه..وسعى..ومعافره..كل تضحيه..ووجع...تشيت..وتوهان
غالبا وراه محاولات صالحه لاحتياجات مشروعه ..
بس الحقيقه المؤلمه ان مش كل سعى بيحتم الوصول
مش كل توهان نهايته..اللقا
ومش كل طرق الحب...نهايتها حب!!
لكن وسط مبدا مفيش حاجه ببلاش..ومفيش راحه من غير تعب
بلاقى القلب اللى اتفرش ليا طريق و جسر اعبر منه وبيه لوادى القبول والحب..
قلب بدون اى سعى اوخطط اومحاولات ..
لقيت منه وفيه.. كل "الطبطه"❤