منتدى الفرح المسيحى - جدول مقارنات

https://upload.chjoy.com/uploads/1598568282761.jpg

علماء النفس بيقولوا
إن من أكبر مشاكل التنشئة عند الأطفال
هي "المقارنة"،
مقارنته بابن عمه وبنت خالته
وجارهم اللي في السادس وحتى بإخواته!
وكأن بتوصله رسالة مغزاها
" أنا لو مبقيتش زي فلان أنا هبقى قليل ومش مقبول
" ويكبر المبدأ ده معاه وتتكون بذرة الكبرياء
ويبقى عايز مش بس يكون زي فلان،
لكن يتكون عنده دافع إنه يكون أحسن منه
سواء في امتلاك الأشياء المادية
أو في الإنجاز أو الشهرة .. وهكذا
الحقيقة.. المقارنات دي مكانها المناسب
في مادة الدراسات الاجتماعية لما تقارن بين
حشائش السافانا والاستبس!
مش مكانها في التعامل مع البشر.