منتدى الفرح المسيحى - احمي نفسك من الزهايمر

https://upload.chjoy.com/uploads/159839644708031.jpg

قال طبيب شهير لو كان "الزهايمر" رجلا لقتلته ..

و ما اقسي النسيان علي الإنسان..

عندما يفقد الذاكرة و ينسي ما فات ليصبح عقله مجرد وعاء يحتوي نوادر الذكريات ،
لتتلاشي تدريجيا و تصبح لا شيء ..

و يذكر لنا التاريخ أن نانسي زوجة الرئيس الأمريكي الراحل رونالد ريجان بعد ما اصابه الزهايمر

، ظلت ١٥ سنة تحاول ان تقنعه انه يوما ما كان رئيس اعظم دولة في العالم بلا جدوي!!

حديثي اليوم عن "نعمة النسيان" ..

و ياما النسيان انقذ العقل من العيا و الالم ..

يعني لما تقعد تفتكر اللي وجعك، و تعيد و تزيد فيه ، انت بتقطع نفسك..

و لما تقعد تفتكر اللي وجعوك و ضروك و تفتكر اذاهم، و تقعد تحكي عنهم و تكرر ضررهم ليك
، انت بتحرق عواطفك و سلامك..

و لما تقعد تفتكر ذنوبك اللي تبت عنها و ربنا سامحك عليها ،

الشعور بالذنب يقتلك بدل ما تعيش في نعمة الغفران و الصلح مع الله ..

النسيان الايجابي يكون دوا لحاجات ما لهاش حل ..

كتر الوجع و اجترار الالام بيجيب الزهايمر ..

النسيان النفسي الارادي بيحمي من النسيان العضوي اللاإرادي ..

"الالزهايمر النفسي" اللي بنعمله بنفسنا لنفسنا بيكون تدريب شافي و عافي
، بندرب فيه عقلنا علي النسيان ، و بيحمينا من الالزهايمر الحقيقي
اللي ممكن يجي لك بسبب كتر الفكر و الوجع