منتدى الفرح المسيحى - مسافة محسوبة

https://upload.chjoy.com/uploads/159839625476671.jpg

بين الغلط و الحساب الإلهي مسافة محسوبة بدقة ..
العدل الإلهي بيدخل تحت مظلة الرحمة و الشفقة و التماس الأعذار..

عدل الله له حسابات شديدة الدقة حسب كل واحد و ظروفه و حسب كل غلطة ليه و ملابساتها ..

و بيصبر علي صاحبها و بيدي له فرصة توبة و مراجعة للنفس ،
لأن عقاب الخطأ ح يجي عليه بخساير ح يدفع تمنها من صحته و سلامه و ماله و استقراره،
و ناس كتير حواليه من عيلته و اصحابه ح يعانوا من عقابه مرار و تعب و معاناة ..

انما لو الغلطان تمادي و تجبر و عند ، فيه آليات للعدل ترجع للمظلوم حقه بطرق مختلفة
، و تقتص من الظالم و برضه بطرق مختلفة ..

مثلا ، الحق المسلوب بيرجع لصاخبه رزق و صحة و بركة و راحة و ناس طيبة تعوضه
و سكك مقفولة تتفتح له بدل اللي اتقفلت في وشه ..

و مثلا برضه القصاص ييرجع علي الظالم اكتئاب و قلق و قلة نوم و ظلم و مرض
و خناقات و قلة بركة و سكك مقفولة علي حساب الظلم اللي عمله ..

مسافات العدل محسوبة للظالم نكبات للمظلوم تعويضات و بركات و تسهيلات